Toe Amanda Koch en haar man, Danie, vir ’n toer na Namibië in 2021 vertrek het, het hulle nooit kon dink dat Amanda ’n paar dae later in ’n ambulans na Suid-Afrika sou terugkeer nie.
Amanda het ná hulle eerste nag in ’n gastehuis aan die anderkant van die Suid-Afrikaanse grens, met onuithoudbare pyn wakker geword. Vir die volgende twee dae was sy op ’n matras op die grond en kon glad nie meer loop nie.
Haar dogter Rozelle moes vir haar ’n private ambulans vanuit Suid-Afrika reël wat haar op die grens opgelaai het.
“My man het die ambulans in ons voertuig gevolg. Op Springbok het dr Adriana Kotzé my weer gestabiliseer, en so mooi vir my gebid. Daarna was dit Somerset-Wes toe, na Mediclinic Vergelegen,” vertel Amanda.
En toe wag twee groot skokke. Eerstens dat sy verlam is vanaf haar borste tot by haar voete. Tweedens dat sy beenmurgkanker het.
Maar, getuig Amanda, God het wonderwerke in haar lewe kom doen.
- Klik hier om na Amanda se volle video-getuienis te luister.
