Deel jou getuienis
Klik Hier
TEKEN IN OP LIG-TYDSKRIF
Lees Meer
Previous slide
Next slide
Search

Onsekerheid, maar God is standvastig

DEUR GERDA-MARIE VAN ONSELEN

Ons dogtertjie, Hannah, is met bilaterale kollobome gebore. \’n Kolloboom (in engels coloboma) is \’n tipe defek wat in jou oë voorkom. Dit beteken basies dat Hannah se ogies nie behoorlik ontwikkel tydens die swangerskap ontwikkel het nie en dat sy gapings in die weefsel van haar ogies het. Dit is ‘n baie rare en skaars kondisie. Net een uit elke 10 000 mense word daarmee gediagnoseer en dit is gewoonlik net in een oog, maar sy het dit in albei oë.Daar is verskillende grade van kollobome en party mense kry dit net in hulle iris wat beteken dit is kosmeties. Hannah se kollobome strek tot agter teen haar optiese senuwee in albei ogies en affekteer ook haar makula (die belangrikste gedeelte wat jou visie gee). Hannah se regterogie het ook self nie behoorlik ontwikkel nie en kom klein voor. Die oftamoloog sê sy kan dalk maksimum 5% sien. Ons glo sy kan baie meer sien. Ons het vanaf sy 3 maande oud is met arbeidsterapie begin en ons glo al die mense wat saam ons gebid het, het ons dogtertjie visie gegee. Na die tweede maand van arbeidsterapie het Hannah objekte begin volg met \’n liggie en vandag sien sy amper alles (of wel dis wat ons glo).

Omdat bilaterale kollobome so skaars is het al die pediaters en dokters dit misgekyk tot ons op 3 maande agtergekom het sy volg nie ons gesigte nie. Ons pad het baie onseker begin en niemand kom ons help met vrae of raad nie. Na baie maande se navorsing het ek op \’n oftamoloog afgekom in Washington, Amerika, wat kliniese navorsing doen op Hannah se kondisie.

Navorsing in Washington vir Hannah

Die navorsing sluit \’n assessering van Hannah se ontwikkeling (omdat haar kondisie baie gepaard gaan met ontwikkelingsprobleme), \’n MRI om seker te maak haar ander organe het behoorlik en normaal ontwikkel en genetiese toetse om te bepaal of dit dalk afkomstig van my man of my af is in. Al hierdie toetse sal ons verskriklik baie geld kos het wat ons medies nie wil betaal nie. Die toetse is ook vir ons baie belangrik indien ons nog \’n kind wil hê juis omdat kollobome meestal gepaard gaan met 12 sindrome.

Die Nasionale Oog Instituut van Bethesda in Washington sou ons verniet akkommodeer, kos gee en ons sou hulle help met navorsing as ons vir Hannah bring. Ons glo ook dat hierdie navorsing vir ons baie belangrik is om te weet wat om te verwag vorentoe en hoe om Hannah se kondisie te hanteer. Tot dusver het al my raad vanaf \’n internasionale Kolloboom Facebookgroep gekom en só het ons vanaf 3 maande vir Hanna \’n donkerbrilletjie bestel.

Die van Onselen-egpaar en hul dogterjie Hannah op die strand.

Ons was opgewonde om te hoor dat hulle ons kan help én nog verniet ook. Ons moes net ons vlugkaartjies betaal het. Met baie opgewondenheid het ons ons trippie begin beplan. Ek is ʼn onderwyser en daarom het ons spesiaal in my skoolvakansie gegaan. Alles het mooi uitgewerk tot Maart 2020 aangebreek het. Die maand wat die Koronavirus die wêreld verander het.


Lees nog getuienisse hier.


Ons moes 11 April gevlieg het waarna ons eers vir \’n paar dae Hannah wou laat aanpas voordat die navorsing begin. Ons het dit beplan dat Hannah nog verniet kan vlieg voor sy in Mei 2, word. Op 20 Maart het ons gehoor ons vlug is gekanselleer en die Oog Instituut van Bethesda het ons laat weet alle navorsing word eers gestop totdat die lockdown van die Koronavirus verby is. Ons moes ons vlugte dus kanselleer omdat die Instituut nie vir ons \’n nuwe datum kan gee nie. Ons het uitgevind ons versekering dek ook net \’n sekere gedeelte van ons vlugte.

En skielik is als onseker

En skiélik is alles onseker. Ons is onseker wanneer alles weer na normaal gaan terugkeer. Én ons is onseker wanneer ons ooit weer genoeg geld bymekaar gaan maak om Amerika toe te kan gaan. Ons is onseker oor die wêreld daar buite.

Al wat ek weet, is dat ons nie alleen is nie. Ons is dankbaar vir alles en vir mekaar wat nog gesond is. Ons is dankbaar dat ek en my man nog \’n werk het in hierdie tydperk waar baie ander mense ʼn week terug moes hoor hulle maatskappye nie die finansiële las van die virus kan dra nie.

Hannah beteken guns en genade van God af. Die naam is eintlik \’n familienaam en iemand het eers lank nadat ons haar naam gekies het uitgevind wat dit beteken. Ons het nog net guns en genade ontvang van God af sedert ons Hannah gekry het. Deur alles en ons hele verhaal wéét ons werklik God het ons dogtertjie nog nie één oomblik vergeet nie. Sy het géén van die 12 sindrome nie en as jy na haar kyk sal jy nie dink daar is iets fout nie. Sy is bang vir niks. Ons kry baie mense wat sê sy het mooi ogies, en sy het werklik.

Ons glo werklik alles gebeur met \’n rede en dat ons binnekort die navorsing kan doen in Amerika. Ons weet God gaan ons nie net hier los nie. God het \’n plan. God is die enigste een waaroor ons nie onseker kan wees nie. God se plan vir ons is net goeie goed al voel dit dalk nou nie so nie. Dit is dalk nie soos óns dit nou wil hê nie, maar soos Hy wil en dit alles om Sy naam te verheerlik.

Lees ook: \’Stamseloorplanting red my\’.

Geborg

Getuienisse wat deur LiG gepubliseer word, weerspieël die skrywer se persoonlike ervaring en mening. Dit word geplaas soos ontvang en ons dra geen verantwoordelikheid vir die inhoud nie. Die verhale is nie bedoel as mediese of geestelike advies nie.

Verwante Artikels

ONTVANG LIG SE GRATIS NUUSBRIEF

Kry
LiG

Jou daaglikse inspirasievennoot.

Die LiG-app is nou beskikbaar vir jou selfoon. Installeer dit vandag nog.