Deel jou getuienis
Klik Hier
TEKEN IN OP LIG-TYDSKRIF
Lees Meer
Previous slide
Next slide
Search

Ervaar die hemel vóór jy sterf

DEUR MILANIE VOSLOO

Kan die hemel vandag reeds in aksie wees? Hier waar ons in ’n gebroke wêreld leef? Of moet ons maar wag vir … eendag?

’n Teoloog met die naam van Dallas Willard is in ’n onderhoud gevra of die punt van Christenskap is om in die hemel te kom wanneer jy sterf. Sy briljante antwoord was: No, the point of Christianity is to get to heaven before you die.

Wanneer God in ons is, is die Alfa en Omega in ons. En dít maak dat ons, ongeag ons omstandighede, kan bly hoop. Kan aanhou om midde-in die donkerte om en in ons, die lig te bly soek. Die hemel nou reeds kan leef en dit kan uitdeel.

God het ’n ewigdurende nou geskep waarin Hy is. Die nou waarin ek en jy stoei met die lewe, waar ons oor ons eie gebroke menswees struikel, sukkel om die regte dinge te doen … is Hy! God se hemel lê daarin dat ons juis, ondanks die stukkend om en in ons, sy genade hier en nou kan ervaar. En daarom genade met myself kan hê en dit teenoor ander kan leef.

Die hemel is genade in aksie. Wanneer? … Vandág!

Kanaal

Ons almal wag vir eendag.

Geborg

Vir die dag wanneer U kom.

Wanneer ons by U is.

Die hemel ’n werklikheid is.

Vandag besef ek dat die hemel

nou reeds hier kan wees.

Omdat U in ons is.

U redding, vergifnis en liefde

Geborg

deel van ons is.

 

Here, suiwer my.

Vul my.

Ja, maak my vandag … en môre

’n kanaal van u hemelse genade

sodat ek stukkies hemel aan ander sal uitdeel.

Verwante Artikels

ONTVANG LIG SE GRATIS NUUSBRIEF

Kry
LiG

Jou daaglikse inspirasievennoot.

Die LiG-app is nou beskikbaar vir jou selfoon. Installeer dit vandag nog.