Al die hoop-, al die inspirasie-, al die opstaan-en-aanhou-glo-stories is nou alles op een plek: LiG se app. Gebruikers sal nou hulle daaglikse dosis inspirasie kan kry soos wat nuwe stories op die LiG-platform geplaas word.
“Die nuwe LiG-app is ‘n asemskep-plek vir gelowiges,” sê Conette le Roux, LiG se webredakteur. “Ons wil ons getuienisse en ander inspirasie-leesstof op een plek vir ons lesers gee – in die palm van hulle hand.”
Die afgelope paar jaar het LiG ’n platform geword waar mense se hartroerende getuienisse lesers inspireer om óók aan te hou glo in God se goedheid en sy nabyheid in tye van pyn en verlies.
LiG het natuurlik ook inhoud wat jou geloofslewe verryk, jou gesinslewe op koers hou en jou verhoudings versterk. Dié artikels en Bybelversprente is ook op die app beskikbaar.
Om die app af te laai, besoek Google Playstore of Apple App Store
Hoop, en nog meer op LiG se platforms
LiG is steeds ’n gedrukte tydskrif wat kwartaalliks verskyn, en ’n asemskep-plek is vir vroue. Dit is ‘n Christelike tydskrif met inhoud wat verryk en inspireer. (Jy kan hier inteken)
Al die web-artikels is steeds gratis om te lees. Hierdie inhoud wissel van gewone mense se stories tot gesinswenke wat bemoedig, hoop bring en praktiese raad gee.
LiG se nuwe YouTube-kanaal is ook onlangs geloods, en hier kan jy hartroerende getuienisse kyk. (Klik hier om te kyk.)
LiG – vir jou en jou mense.
