Deel jou getuienis
Klik Hier
TEKEN IN OP LIG-TYDSKRIF
Lees Meer
Previous slide
Next slide
Search

Een van Chris Barnard se jongste hartpasiënte word 70

Hoewel hartpionier prof Chris Barnard voorspel het dat Eileen Smit nie ouer as 16 gaan word nie, het sy onlangs met groot dankbaarheid haar 70ste verjaarsdag gevier.

“Ek is vroeggebore en was maar baie klein en baie swak,” vertel Eileen oor haar aanvanklike grootwordjare. Sy onthou hoe haar ouers en sibbe haar moes ronddra of sy het gekruip waar sy wou wees.

“God het my genees,” vertel Eileen Smit. Prof Chris Barnard het ’n opeharoperasie op haar as 7-jarige uitgevoer en nie verwag dat sy ouer as 16 sou word nie.

Toe Eileen ’n kleuter was het haar ouers van Chris Barnard te hore gekom. Hulle het toe ’n afspraak by hom gekry. Sy aanbeveling was dat haar ouers haar eers ’n bietjie “sterker” moet kry voordat hy ’n opehartoperasie op Eileen sou kon uitvoer.

“Ek was sewe jaar oud toe hy die operasie gedoen het. Hy het my hart uitgehaal en dit gevries om daaraan te werk. Daar was ook ander komplikasies,” onthou sy. Uiteindelik moes hy vier ander defekte ook herstel.

Eileen vertel dat sy ná die opehartchirurgie baie lank in die hospitaal “in ’n sak” spandeer het in ’n poging om haar teen kieme te beskerm.

Prof Barnard se laaste woorde aan Eileen se ouers was: “Die operasie het goed afgeloop en ek het alles gedoen wat menslik gesproke moontlik was. Maar, sy sal ongelukkig nie ouer as 16 word nie.”

Hy het ook voorspel dat sy nooit sal kan loop nie.

Maar Eileen het toe bo verwagting leer loop en sowat 63 jaar later kon ’n hartchirurg nie eers sien dat sy so ’n groot operasie ondergaan het nie.

Geborg

Verwante Artikels

ONTVANG LIG SE GRATIS NUUSBRIEF

Kry
LiG

Jou daaglikse inspirasievennoot.

Die LiG-app is nou beskikbaar vir jou selfoon. Installeer dit vandag nog.