“Die hoop is altyd daar en jy dink hy gaan nog huis toe kom. Maar ek dink ek het dit uiteindelik nou besef.”
Lisa Smorenburg van Riversdal vertel dit het haar ’n volle vier jaar gevat om te besef dat haar enigste seun Storm nie gaan huis toe kom nie.
Haar enigste seun het die oggend van 21 Augustus 2019 op pad na Hoër Landbouskool Oakdale met sy skaatsplank geval. Toe Lisa laatmiddag by hom in die hospitaal in Mosselbaai kom was hy breindood. Lisa en Storm se pa het besluit om sy organe te skenk, maar eers het sy die laaste nag met haar kop by Storm op die bed geslaap, sy hand vasgehou en met hom gepraat.
Vir Lisa het die ontmoeting met die man (Andries van der Merwe) wat Storm se longe ontvang het ongelooflike berusting gebring. “Ek kan nie genoeg sê wat dit vir my beteken het nie,” sê Lisa.
Getuienisse wat deur LiG gepubliseer word, weerspieël die skrywer se persoonlike ervaring en mening. Dit word geplaas soos ontvang en ons dra geen verantwoordelikheid vir die inhoud nie. Die verhale is nie bedoel as mediese of geestelike advies nie.
