“Ek was altyd die meisie op skool wat met ‘die een hand’ gehardloop het,” vertel Olimpiese gouemedaljewenner Anruné Weyers.
Dié woorde, vertel Anruné, het haar seergemaak. “Ek het gedink kán hulle nie iets anders sien as dit nie, ek is soveel meer.
Dié paralimpiese atleet, wat in 2021 ’n goue medalje in Tokio vir die 400 m ingepalm het, is met ’n onderontwikkelde hand gebore. “Ek het tydens die swangerskap op my sy gelê in my ma se baarmoeder, en die groei in my handjie gestop. Die dokters het dit nie opgetel nie,” verduidelik Anruné.
LEES OOK: Gouemedaljewenner Anruné: ‘Ek eer God vir wat Hy in my en my pa se lewe gedoen het’
Anruné vertel sy het lank gedink sy is nét dit – die meisie met die een hand wat hardloop. Maar later as tiener kon Anruné eenvoudig nie meer alleen die etiket dra nie. “Ek het op my bed met my Bybel gesit en God gevra om my te help. Daardie dag het God vir my ’n deur kom oopmaak.”
Vandag sê Anruné: “Ek kry sommer hoendervleis as ek nou daaraan dink. Ek sou nie gewees het waar ek vandag is as ek nie die Here toegelaat het om my te wys hoekom hy my so gemaak het nie.”
Hierna het Anruné by paralimpiese atletiek betrokke geraak en haarself aanvaar …
Getuienisse wat deur LiG gepubliseer word, weerspieël die skrywer se persoonlike ervaring en mening. Dit word geplaas soos ontvang en ons dra geen verantwoordelikheid vir die inhoud nie. Die verhale is nie bedoel as mediese of geestelike advies nie.
