“Ek het geweet ek gaan nie my kinders of my vrou weer kan sien nie … jy voel dit is nie reg om so dood te gaan nie, maar jy weet dit is jou einde.”
Marnus Coetzee (46), eiendomswaardeerder van die Paarl, was onder ’n 2,5 ton trekker vasgepen toe hierdie gedagtes deur sy kop gegaan het.
Marnus vertel terwyl die trekker se groot wiel bo sy kop gedraai het en hy al dieper in die modder weggesak het, het hy ’n sagte stem binne hom hoor sê: “Sê net die naam van Jesus, sê net die naam van Jesus”.
Hy het eers saggies en toe al harder “Jesus!” uitgeroep. Volgende het sy vrou en sy kinders met hulle bakkie opgedaag. Sy oudste twee het dadelik hulle hande op sy kop gesit en vir hom begin bid. Sy vrou het die trekker afgeskakel en hulp ontbied.
Ure later kon hy uiteindelik by die hospitaal uitkom. Daar het dit geblyk dat net sy regterarm gebreek was. Sy rug en bene was honderd persent buiten vir ‘n paar skrape.
“Dit was net wonderwerk op wonderwerk,” sê ’n dankbare Marnus vandag.
Besoek ons YouTube-kanaal LiG: God se krag in my krisis, met nog merkwaardige video-getuienisse.
Getuienisse wat deur LiG gepubliseer word, weerspieël die skrywer se persoonlike ervaring en mening. Dit word geplaas soos ontvang en ons dra geen verantwoordelikheid vir die inhoud nie. Die verhale is nie bedoel as mediese of geestelike advies nie.
