“Ons was in groot moeilikheid,” onthou Elmarie Berry oor die dag waarop haar man Thian vaal in die gesig by die huis ingestap het. Die vliegskool in Port Alfred waar hy gewerk het, het sy salaris met soveel verminder dat hulle slegs genoeg geld gehad het om hul huispaaiement maandeliks te bekostig. Daar sou geen geld oor wees vir kos, brandstof of enige iets anders nie.
Maar, vertel Elmarie, haar manier om die slegte nuus te verwerk, was om dadelik voor die klavier in te skuif en die Here te loof.
“Daarna het ek gedoen wat ek kon: Ek het gebid! In daardie einste week het drie verskillende mense my dieselfde Skrifgedeelte gegee – 2 Konings 4, wat handel oor die weduwee se kruik. Oor Elisa wat haar gevra het wat sy in haar huis het. Ek het my afgevra: Wat is mý olie? Wat kan ek doen?”
Die volgende dag het dié donkerkop hulle gesin se laaste R100 gevat en bestanddele vir lasagne gaan koop …
Getuienisse wat deur LiG gepubliseer word, weerspieël die skrywer se persoonlike ervaring en mening. Dit word geplaas soos ontvang en ons dra geen verantwoordelikheid vir die inhoud nie. Die verhale is nie bedoel as mediese of geestelike advies nie.
