Lees die artikel hier
• Begin die byeenkoms deur ’n kers aan te steek om Christus se teenwoordigheid in jul midde te erken en te vier.
• Gee geleentheid vir elke groeplid om een van hierdie vrae te beantwoord: Hoe en waar bring julle gewoonlik Paasfees deur? Hoe vier julle die paasgebeure? Waarom is Paasfees gelowiges se vernaamste fees?
As Paasfees ons belangrikste fees is, hoekom is daar dan minder mense tydens die Paasnaweek in die kerk as op Kersdag?
• Lees Lukas 23:1-46. Blaas daarna die Christuskers dood as ’n simbool van Jesus se sterwe. Word ’n oomblik stil, sodat die grootsheid van hierdie gebeure by jou kan insink. Laat elkeen vertel wat hy of sy beleef het.
• Waarom kan die kruisiging beskou word as God se protes? Waarom het ons dit steeds nodig?
• Hoekom is die skeur van die tempel se voorhangsel betekenisvol?
• Lees Lukas 24:1-9. Steek nou weer die Christuskers aan as ’n simbool dat Jesus op ’n nuwe manier teenwoordig is. Gee geleentheid vir dankgebede.
• In die artikel lees ons die volgende: “Daarom is ek nou, ná die opstanding, vry om te leef soos God wil hê ek moet leef.” Wat beteken dit? Hoe beleef jy dit? Wat gaan jy anders doen?