Met Ben Klopper se geboorte was sy lewensverwagting slegs een jaar.
Vandag is hy ’n 14-jarige tiener wat elke dag teen die genadelose simptome van sistiese fibrose veg.
“Elke dag van ons lewe begin met Ben wat moet nebuliseer (nebulize), longoefeninge doen en ’n hand vol pille moet drink voordat hy skool toe gaan. En vanaand herhaal die proses,” vertel sy ma Nicolene, ’n logistieke koördineerder van Wellington.
Ben kan ook nie by die vinnige pas van ’n tiener byhou nie en gaan slegs twee tot drie dae ’n week skool toe.
Sy pa Ben, ’n operasionele bestuurder, verduidelik: “Die probleem met sistiese fibrose is dat daar nie tans ’n geneesmiddel daarvoor is nie. Die behandeling en medikasie vertraag maar net die proses. Wat uiteindelik gebeur is dat dié kondisie eerstens jou longe en dan later al jou ander organe aantas.”
Volgens sy ouers bly Ben positief, hoewel hy soms vra: “Hoekom ek?”
Die Kloppers is uiters bekommerd oor Ben se agteruitgang. Daar is egter nou wel ’n “wondermiddel” wat die spesifieke geen wat dié toestand veroorsaak, teiken. Dis egter nie in Suid-Afrika beskikbaar nie en is baie duur.
- Gaan kyk hulle volle verhaal op LiG se splinternuwe YouTube-kanaal LiG: God se krag in my krisis.
Getuienisse wat deur LiG gepubliseer word, weerspieël die skrywer se persoonlike ervaring en mening. Dit word geplaas soos ontvang en ons dra geen verantwoordelikheid vir die inhoud nie. Die verhale is nie bedoel as mediese of geestelike advies nie.
